上海粤语新歌榜联盟

《妖铃铃》预告片秃头方中信男神形象幻灭 笑到明年

粤语TVB电视剧电影 2020-09-05 12:27:39

《妖铃铃》预告


吴君如首次自导自演嘅电影《妖铃铃》,即将喺12月圣诞新年档期上映,以八十年代港產片最拿手嘅鬼怪殭尸為题,兼以喜剧包装,搵嚟吴镇宇同方中信一齐演出呢套轻鬆喜剧。

电影安排喺圣诞新年期间上映,三位既為人父母,又要帮电影宣传,时间上点分配?君如话:「今年圣诞系比较特别,因為平时我一定唔开工陪个女,而且屋企一定要有圣诞树,我每年都会托一棵返屋企,但今年个女投诉我陪唔到佢,个所以自己买左个细嘅畀自己。」

而镇宇同方中信嘅情况跟君如一样,佳节期间要开工,镇宇话:「因為我的如果无电影就无圣诞过㗎啦,不过真系个仔出世后我先开始著重圣诞。」方中信话:「一定要同屋企人一齐,同埋要焗隻火鸡,圣诞礼物就俾老婆搞我净系负责畀钱。」君如问方中信:「咁你使唔使扮圣诞老人俾个女睇?」方中信话:「唔使,但我想搵圣诞女郎多啲,奈何唔得呢。」

讲番问题,君如话一定会女女打扮:「不过要睇吓当时有咩受欢迎就要扮边样,我年年都要去石板街同佢买Cosplay衫。」至於镇宇就透露仔仔试过有一年,想扮Star Wars黑武士:「不过佢肥得滞,件衫拉唔到,笑死我,下年叫佢扮雪人好过。」

讲番套电影系君如首次执导,心情如何?压力大唔大?佢话:「梗系大啦,要招呼镇宇同方中信两个大帝真系唔简单,首先要餵饱血糖低嘅镇宇,佢食饱左血糖就会飆升返又可以继续拍。」

至於方中信,君如再讲:「 佢系俊男但我整左个造型畀佢搞到天怒人怨,因為我觉得喜剧系需要造型,观眾要睇到反差。佢(方中信)本身好多头髮但我设计左个地中海造型,於是每日就要黐头套,你知男人最忌系头髮,而且方中信话一条头髮都不能少,所以拍嘅时候真系日日提心吊胆。」

君如称从来无担心两位嘅演技,只紧张佢的会唔会天气热或食唔饱发脾气,所以每日都尽快拍晒两个啲戏份先。 方中信喺隔篱就踢爆话:「点解好似唔系咁嘅,明明系君如话自己住得远要拍左自己先,都系讲一套做一套。」镇宇再话:「平时我的听到系:『唔使理佢的拍我先。』。」


咁方中信同镇宇钟唔钟意今次大肚腩加地中海造型?方中信话:「今日上嚟做访问时经过楼下啲妹妹仔都会话『方中信好靚仔』咁我礼貌咁笑一笑,之后心諗上嚟要宣传呢套戏有个咁样嘅造型,咩形像都幻灭晒。」佢续说:「衰在我好钟意呢个造型,点知个头套一黐黐左四十几日,每日十二粒鐘,真系攞命。」


咁拍摄途中有无咩趣事发生?君如表示不论镜头前后都有好多,傍边嘅镇宇就插嘴话:「一啲都唔好笑,有羊好笑呀?夜麻麻黐住个头套,坐喺度等几粒鐘,跟住又拍几粒鐘到天光,跟住天光又返入厂再拍几粒鐘。」


讲番故事嘅构思,君如话源自一单新闻而起:「就系香港成日都有啲旧楼要收楼重建,但总有几户唔肯搬走,於是畀人Cut水Cut电,又或者有啲都市传说讲啲旧楼有鬼 ,有单新闻就系有个社工同记者入去一间盛传有鬼嘅旧楼探险,结果发现其实系有露宿者喺入边,但嗰位露宿者好瘦所以被误会系鬼,完全系一个悲剧,但亦因為咁而开始构思故事,我一直都想拍一套惊吓喜剧,今次终於还了心愿。」


喜欢这篇文章的人,可能都喜欢下面的文章。

2017谷歌人气搜寻女神江嘉敏   索爆泳衣照重温

入行32年的欧瑞伟(KC.易先生)  《爱.回家》KC拍戏没底线

天降横祸  张振朗受伤撑拐杖出席活动   惊影响生育能力

张宝儿陪度春宵  天堂哥袁伟豪笑吟吟


《溏心风暴3》已经更新25-30集!请长按识别关注获取。两个号都重要哦,关注了别取消。


游玩出游好去处  长按识别二维码关注 更多优惠等着你哦


           你的看剧小助手!请加

            ↓↓↓小T君微信  ↓↓↓

          

Copyright © 上海粤语新歌榜联盟@2017