娱闻乐
每日更新港澳台娱乐资讯
打造广东人娱乐资讯平台
唔知点解，Eason最近好似
经常出现係大众嘅视线当中
係大热嘅俄罗斯世界杯
我哋居然可以係比赛现场
见到Eason嘅身影
而大众再次听见Eason嘅新闻
就系世界杯仲未踢完
世界各地仲沉浸係世界杯嘅热潮时
Eason就于23号系台湾小巨蛋举行嘅
第29届台湾金曲奖中
被三度加冕为金曲奖歌王
凭借新专辑《C'mon in》
又赢低咗年度最佳专辑
堪称第29届台湾金曲奖最大赢家
系颁奖之前，就连Eason嘅铁粉
都觉得Eason今次嚟金曲奖系嚟打酱油
毕竟之前就攞过两次最佳男歌手了
系得奖之后，就连Eason自己都话
「很不好意思，没做什么，拿了很多东西走」
原来港剧一直都冇乱讲
只要一有嘢庆祝，香港人就会去「加料」
就连Eason嘅老婆徐濠莹
一知道Eason再度被封歌王
第二日就去烧腊店买叉烧庆祝
睇见Eason再度被封为「歌王」
唔少Eason嘅粉丝都十分开心
其实今次再封歌王
小编我一啲都唔觉得意外
相比于四大天王，Eason更为小编哩代人熟知
上世纪90年代，无论系电影业同埋乐坛
香港都系处于一个如日中天嘅年代
香港乐坛系嗰个年代，最唔缺嘅
正正就系「歌手」
但系嗰时嘅Eason，唔似一两张专辑就爆红嘅新人
佢嘅知名度，比起同期新人要低好多
但系一个人嘅天赋系冇可能被时代所掩盖
梅艳芳曾经系演唱会上面讲过
「陈奕迅系一个好有天赋嘅人，只系大家仲未发掘到未来嘅日子，说以佢必然会俾你哋睇到佢嘅另外一面。」
正如梅艳芳所言
往后嘅十年Eason不负众望
成为香港乐坛嘅一个神话
1995年，仲係英国读紧大三嘅Eason
趁住暑假回国嘅机会
报名参加咗嗰一年嘅新秀歌星选拔大赛
正系因为里一个比赛，本来仲学紧建筑学嘅佢
凭借张学友嘅一首《望月》一举攞下冠军
随后同华星唱片公司签约，正式进军乐坛
名气未到，绯闻先有
就好似梅艳芳《似是故人来》入面嗰句
「但凡未得到，但凡是过去，总是最登对」
正正就係Eason进军乐坛嘅嗰一年
佢遇见咗同佢一起比赛嘅杨千嬅
2005年，Eason凭借《夕阳无限好》
夺得叱咤乐坛我最喜爱的歌曲大奖
Eason上台领奖并演唱咗哩首歌
当佢唱到「爱侣爱到一个地步，便另觅安慰」时
望住Eason係台上唱歌嘅杨千嬅
好似受到感触一样，早已泪流满面
哩一幕，当时令好多粉丝都无法释怀
而杨千嬅，亦都曾经係演唱会上面
用歌曲嚟表露对Eason嘅心声
「明知爱这种男孩子，也许只能如此，但我会成为你最牵挂的一个女子」
就如歌词所说，两个并冇学似绯闻咁走到最后
Eason同徐濠莹结束十年爱情长跑步入婚姻殿堂
杨千嬅亦都兜兜转转
最后嫁俾细自己五岁嘅丁子高
Eason同杨千嬅嘅结局令我哋不胜唏嘘
但系与此同时，佢哋两个都搵到各自嘅幸福
而且最后两个又成为彼此嘅贴心好友.....
2002年，又林夕作词嘅《明年今日》係香港红级一时
而后面嘅国语版《十年》
受到无数大陆歌迷嘅喜爱
直到宜家，《十年》任然系KTV必点嘅歌曲之一
2007年，Eason凭借《富士山下》
一举攞得全球华人至尊金曲奖，全国最佳中文歌曲等多个奖项
哩首《富士山下》，用简单优美嘅字句
留住我哋心目中最不愿放手嘅嗰个瞬间
静静感受歌词歌曲带嚟嘅画面
一字一句仿佛都充满属于自己嘅回忆
嚟啲嘢只有「陈奕迅」可以做到
慢慢开始，我哋睇香港嘅《十大中文金曲颁奖典礼》
就只会睇到Eason同容祖儿嘅身影
唔夸张咁讲句，年年歌王歌后都系佢哋两个
从04年开始到16年，中间从未间断
香港，一个弹丸之地
上个世纪70年代到90年代
香港乐坛得到咗空前嘅发展
闪现出一批又一批才华横溢嘅音乐人
佢哋以无数光芒四射，风格各异
至今传唱不息嘅经典作品
创造咗香港流行乐嘅一个黄金时代
张国荣、梅艳芳等有好多歌手
都为人熟知，但系天违人愿
有好多歌手一唔系就与世长辞，一唔系就退隐乐坛
时代渐过，香港乐坛嘅黄金时期早已结束
以前众星云集嘅场面早就不复存在
哩个被誉为香港乐坛历史最悠久嘅
见证住香港乐坛兴衰嘅颁奖典礼
已经远远不如我哋想像中盛大，喜庆...
就连上年嘅第40届十大劲歌金曲颁奖礼
都举办得十分寒酸
踏入第40届嘅颁奖典礼唔系大搞
而系係一个大专院校嘅一个小小礼堂举办
寒酸到就连港台自己嘅电视频道都唔搞视频直播
请嚟嘅明星更系少之又少
全场资历最大最老嘅
就只有李克勤了
以前颁奖典礼嘅常驻客咧？一个都见唔到.....
杨千嬅自从嫁咗俾丁子高之后就已近志不在乐坛
Eason同容祖儿更唔使讲啦
每年係香港攞奖攞到手抽筋
Eason从16年起就冇在参加过香港嘅颁奖典礼
而容祖儿更坦言话要俾啲机会新人
毕竟以前佢同Eason年年上台年年攞奖...
仲有，以前嘅颁奖典礼除咗啲颁奖之外
最重要嘅系有好多歌王歌后现场演唱
作为一个最悠久、最盛大嘅颁奖典礼
仲要系歌手颁奖典礼，竟然唔唱歌.....
每个歌手都系上去攞奖然后讲获奖感言就草草收场
成个颁奖典礼唔够两个钟，连港媒都话
相之对比前几日嘅台湾金曲奖
明星云集，各种歌王歌后
而最讽刺嘅系，Eason作为一个香港歌手
居然打败咗林俊杰JJ获得金曲歌王
而「雨神」萧敬腾嘅歌曲串烧
燃爆咗观看嚟场颁奖典礼嘅所有观众
而徐佳莹则打败歌后张惠妹
获封新一任「歌后」
▼
颁奖嘉宾更有那英、庾澄庆
▼
吴青峰
▼
张信哲
▼
新一代嘅歌手仲未「成熟」
老一辈嘅早已「隐退」
「撑场」
哩个就系宜家香港乐坛嘅现象
再睇翻以前香港乐坛嘅颁奖典礼
罗文、哥哥张国荣、梅艳芳.....
但系宜家....不甘觉得香港乐坛开始后继无人
但系无论如何，暗淡嘅舞台
点样都唔会掩盖一颗会发光的宝石
就好似Eason咁，虽然一开始并冇光芒四射
但系经过时间嘅打磨，叱咤咗乐坛十几年
直到宜家，佢都依然系「E神」陈奕迅
点都好，都希望香港乐坛可以带更好嘅作品俾我哋
亦都希望，香港乐坛可以係Eason嘅带领下
可以重新回到嗰个黄金时代
毕竟我哋，由细听到大嘅系
「粤语歌」
本期特惠精选