点击上方 ↑↑ 即可关注「金句王」

Kelly形象健康又亲民，唱得又跳得，唱出一首首经典作品。但自从2008年演唱会尾场宣布结婚后，一直告别乐坛。当时演唱会最后全场大合唱《最爱演唱会》，观众喊到收唔到声。Kelly承诺过大家，喺结婚同生仔后，会着上热裤拖住仔，再演唱《花花宇宙》。

事隔7年，Kelly结咗婚，虾饺仔、小龙包亦相继出世，Kelly信守诺言，将于12月再次披起战衣，喺红馆举行庆祝入行20年世界巡回演唱会2015香港站。Fans肯定等到颈都长啦，虽然未知Kelly会否着上热裤拖住虾饺仔、小龙包上台劲歌热舞，但可以肯定Fans有福了，有机会再欣赏Kelly表演。Kelly嘅歌大多都轻快容易上口，不如一齐重温Kelly嘅十大经典「洗脑」快歌啦！

1.《花花宇宙》

要数Kelly嘅经典快歌，10个有9个即刻都会谂起呢首……「细世界会变花花世界…OEO..OE..OE」

2.《恋爱情色》

当年嘅菲林广告歌，播到街知巷闻，个个同学都识唱。

3.《大日子》

想当年首歌红到周街都播，听到个旋律已经想「Move your body」。

4.《phone杀令》
MV中嘅Kelly造形霸气，唱出女人嘅不满，妳又有无共鸣？

5.《纪念日》
与冯德伦、雷颂德合作嘅作品，节奏轻快，歌词好sweet呀。

6.《Shake Shake》
当年睇完麦当当呢个广告，即刻想去买「Shake Shake」薯条，一面唱《Shake Shake》！

7.《纸醉金迷》
2004年嘅「纸醉金迷演唱会」主题曲，Kelly嘅华丽造型迷倒唔少小妹妹。

8.《随身听》
好怀念未有手机，用mp3听歌嘅日子，「随身听」现在真系买少见少。

9.《失忆周末》
「我喜欢周末」讲出几多上班族嘅心声，加上强劲嘅音乐节奏，点会唔挂住周末？！

10.《都是你的错》
「《都是你的错》明明唔系快歌喎！」大家先唔好嘈，想当年《都是你的错》remix版几乎hit过原版，甚至不少人以为remix版先至系原版，算系经典中嘅经典。

【延伸阅读】

10首你未听过就枉为广东人嘅Twins经典歌！

新任歌王：陈奕迅！26首金曲大串烧！

史上最强粤语动漫串烧《儿歌金曲》！劲过《劲歌金曲》！80后90后慎点！

金句王讲金曲 | 80后唱K必点饮歌 (上)

爆咪时刻 | 80后唱K必点饮歌 (下)

金句王

微信号：jinjuking

睇金句王，爽过去爆房！
每日发布粤港澳第一手开心嘢！
粤语 | 爆笑 | 搞嘢 | 吹水 | 抵死 | 顶瘾

欢迎搭讪 投稿都啱 合作更赞 小编微信: KingKingGuy