剧场版 剧本 

六月嘅北海道，

虽然有少少微风，但系天气都有啲热。

望住眼前一片你最中意嘅紫色

我一边听住《约定》，一边喺度唸：
你会唔会喺另外一个时空同样等紧我呢？

(害怕你失踪 害怕到呼吸都失控
溶掉幻觉了 溶掉愉快了
我泪腺被煽动
静了的歌 余音似梦
听不到《约定》也许 只听到你与我《暗涌》

我怕这份味道 这份力度 黎明时全部记不起
我怕一丝温馨 一觉睡去 回头时原来没有你
担心把快乐处死
拥抱你错觉 仍然是细腻
无人可比
我怕过份浪漫 过份幸运 能和谁延续这惊喜
我怕一熄街灯 一个闹市 而人潮从来没有你
怀抱里很神奇 我不想逃离
只因我迷恋你)

你曾经讲过，我哋系属于两个唔同星球嘅人，
我都唔知点解会走埋一齐；
你最怕冻，我就最怕热；
我中意白色，你就中意紫色；
除咗大家都中意王菲之外，根本无乜共同嗜好。
记得有一次你问我：会唔会陪你去紫色嘅北海道？
我当时答你：不如你同我睇一次白色嘅北海道先啦。
于是你就黑起块面，唔出声行开咗；
其实喺嗰一刻我已经同自己约定咗，
无论如何，点都要陪你睇一次薰衣草

(看花开无期 将虚构联想美)

十二月嘅北海道，天气真系好冻。
望住眼前一片你最中意嘅白色，
我一路听住《暗涌》，一路唸：
你会唔会喺另一个时空，同样等紧我呢？

(那怕是你 未记起)