话说，上个星期Rachel发咗一篇关于粤语串烧歌单（欲知详情请点击你有一份粤语串烧歌单请查收）出嚟，结果有朋友留言就话点解无张生，听得出佢言下之意就系想睇张生咁啦，我宜家就同果位想睇张生嘅朋友讲，你同我定喔，我唔会漏咗佢兼夹走数嘅，而且follow得我就应该知我中意张生嘎啦!!!

事不宜迟，入正题了!!!今期Rachel就要盘点张生嘅精彩粤语串烧live!!!

1

垃圾＋绝＋失乐园＋大开眼戒

哩首medley收录于张敬轩2014年嘅Live in Passion演唱会，四首歌都系Wyman填词嘅作品。老实讲，哩个演唱会可以话系我哩几年睇过嘅演唱会之中最好睇嘅，可能讲句夸张D，Rachel中意咗佢之后感觉自己奄尖咗好多，奄尖到咩程度呢，举个例张生米翻唱过刘若英嘅后来以及孙燕姿嘅遇见嘅，张生未唱之前我都系听原版嘎，但系，经过张生嘅翻唱之后，我就一律换晒张生嘅翻唱版，感觉听边个唱都唔够张生唱得咁好听咁入耳!!!可能睇到哩度大家都觉得我奄尖到极致!!!而且听live绝对首选张生!!!

2

Deadline＋Yes&No＋Stop The Time＋孤单公园

同样收录于2014年嘅Live in Passion演唱会，四首歌都系张生自己作曲嘅作品，经过重新编曲，整体感觉听上去更加励志向上。每次听到哩首medley都会感觉好开心好free成个人好放松从而好想跳舞。唔怕老实讲，我有时冲凉都会放哩首歌!!!

其实我觉得张生跳舞都几好睇，唔好再话佢尬舞啦!!!

3

完全因你 + 少女的祈祷 + 夜机 (Live)

同样收录于2014年嘅Live in Passion演唱会，三首歌来自三位女歌手嘅作品，分别系彭羚嘅《完全因你》、杨千嬅嘅《少女的祈祷》、陈慧娴嘅《夜机》，张生嘅翻唱绝对系无得顶，而且我觉得男歌手之中翻唱女歌手D歌唱得最好就系佢了，尤其是《少女的祈祷》，如果话千嬅唱嘅系女汉子的祈祷，咁张生唱嘅就真系少女的祈祷，温柔到滴水，最后一句“离弃了我 下了车 你怎可答允”当时佢嘅表情更加系表现出果种少女失恋嘅感觉。BTW，佢另一个身份就系“天后克星”降两度!!!

4

灰色+天大地大+倾斜+疯了+震撼

收录于2008年嘅903 id club张敬轩拉阔变奏厅live，五首歌都系Sandy嘅经典快歌。熟悉张生嘅人都知道张生系林忆莲嘅迷弟，而且哩个音乐会至少90%都系林忆莲D歌，所以哩场live都算系致敬之作，唔单止无糟蹋到Sandy嘅经典作品，仲唱出自己嘅个人特色!!!（p.s.至于条片，我过几日会补发比大家，放心!!!）

5

破晓+野花+微凉+你是我的男人 (Live)

同样收录于2008年嘅903 id club张敬轩拉阔变奏厅live，别有一番风味嘅翻唱!!!其实唔难发现，即使你未听过林忆莲唱歌，但系你嘅偶像肯定唱过林忆莲D歌，因为林忆莲啲fans真系唔系一般嘅多，可以用“偶像的偶像”形容佢!!!而且，我觉得林忆莲D男粉颜值真系好高下!!!（BTW，想睇哩首medley嘅朋友请点击“阅读原文”!!!）

今期Rachel就share住咁多先，未完嘎大家唔洗惊，张生好听嘅歌实在太多，一期真系写唔晒!!!

识做啦大家，大家睇到哩度，记得留言轰炸，你地唔用留言轰炸我我真系唔知你地想睇咩嘎!!!